رواية ماساة طفولتي بقلم جيجي رمزي كامله

جوليا: ناوي تعمل ايه يا عبيده مع اللي اسمه محمد ده
عبيده بشر: ده حسابه تقيل اوي معايا انا مش هرحمه بس يقع تحت ايدي
جوليا: وهتعرف مكانه ازاي واللي في بطن ده هعمل فيه ايه وهقول لبابا ايه
عبيده بغضب: ما الغلط مش عليه لوحده ياهانم الغلط عليكى انتى كمان ما سمعتيش الراجل كان بيقول ايه بتنامى معاه برضاكى يا هانم يعني تستاهلي كل اللي يجرى لك بس مش معنى كلامي ده اني مش هنتقم منه ومش هتتعاقبى انتى كمان لا انت هتتعاقبي نتيجه اللي انت عملتيه ده بس ما تخافيش مش هقول لابوكي انا هعاقبك بطريقتي بس لما نرجع ايطاليا

جوليا بخوف انا اسفه والله يا عبيده انا عارفه ان ما ليش حق ادافع عن نفسي بس انا فعلا غلطانه وضعفت في لحظه المفروض ما اضعفش فيها
عبيده بسخط: اجلي الكلام ده دلوقتي مش وقته
جوليا بتردد: طيب وانت هتوصل لمحمد ازاي
عبيده بثقه: انت ناسيه اني ليا شركاء في مصر ولا ايه ومقدم لهم خدمات كتير يعني اقل واحد فيهم يتمنى يخدمني وانا مش ساكت اصلا في ناس بيدوروا عليه بامر مني اهم حاجه دلوقتي اني ما اشوفكيش بره اوضه الاوتيل ده خالص مفهوم

امل بحنان: قومي يا حبيبتي روحي دروسك ما تعمليش في نفسك كده انت ما لكيش ذنب في اللي حصل وهو اكيد ربنا هيعاقبه ده بلاء من ربنا يا حبيبتي لازم نصبر عليه وان شاء الله ربنا هيجازيكى خير
جناببكاء: ومين هيرضى بيا يا ماما وانا كده مين هيرضى بواحده مش بنت بنوت وكمان ما اتجوزتش هيقولوا عليا ايه يا ماما