رواية طلقني من فضلك كاملة مشوقه جدا

مر شهر بعد أن خرجت من المستشفى وأصرت علي الذهاب لمنزل والدها ورفضت مقابلة أحمد نهائيا

في أول أسبوع حاول أحمد مقابلتها أو الحديث معها

ولكنها لم تقبل ولكن بعد ذلك اختفي ولم يحاول مصالحتها مجددا.

كانت جالسة في غرفتها كالعادة وحيدة حين تفاجأت

بدخول صديقتها القديمة أمل التي لم تراها منذ تزوجت

بأحمد.

مي: أمل، عاملة ايه يا حبيبتي وحشتيني أوى.

أمل: بخير يا حبيبتي الحمد لله، أنتِ أخبارك ايه

أنا كنت عند ماما وأول ما عرفت أنك هنا جيت علي طول.

مي: كويس والله إنك كنتِ هنا، هو جوزك مش ناوي 

يستقر هنا بقا ولا ايه؟

أمل: والله يا بنتي ظروف شغله هنعمل ايه؟ وأنتِ 

هنا في زيارة بقا آمال فين أحمد؟

نظرت لها مي بصمت بينما امتلأت عينيها بالدموع.

أمل: مالك يا مي في ايه؟

اند-فعت مي إلي أحض-ان صديقتها وقد تجددت جميع 

آلامها، ربنا عليها أمل بحيرة وهي لا تعرف ما بها.

أمل: مي يا حبيبتي مالك ايه اللي حصل لكل ده، 

احكي لي طيب.

سردت لها ما حصل منذ بداية زواجها حتي هذه اللحظة

ثم صمتت وهي مازلت تش-هق وتبكي.

مي: حتي قبلها كانت حياتنا مليانة مشاكل وجفاء 

بطريقة غريبة كأنه مشاعرنا خلصت خلاص.

أمل: يمكن ده مش وقته بس أنتِ مستعدة تسمعي

رأيي في الموضوع من أوله لاخره.

مي: اه أكيد طول عمري بحب رأيك يا أمل وأكيد هسمعه مهما كان خصوصًا أنك دايما عقلانية عني.

أمل: الغلط كان غلطكم أنتوا الاتنين.

ارتفعا حاجبي مي بدهشة وحاولت مقاطعتها.

أمل: أنتِ قولتي هتسمعيني مهما كان رأيي ف سبيني

أكمل للنهاية

في البداية خالص يا مي أنتِ أهملتِ أهم ناحية في أحمد لما جه يتقدم لك وهي الناحية الدينية، قولتلك دايما 

أهم حاجة لما حد يتقدم لك هي التزامه وعلا-قته ب ربنا

لو الإنسان مش بيدي ربنا حقه هل الانسان ده هيراعي 

ربنا فيكي، أكيد لا وأحمد مكنش ملتزم بس دي عديتيها

ثاني حاجة والأهم في خطوبتكم أنتِ كنتِ دايما بتقولي

أنك وخطيبك هتلتزموا بضوابط الخطوبة الشرعية

بل لما اتخطبتِ حصل عكس كدة تماما، أنتِ عارفة كويس 

أنه لازم يكون في حدود بينك وبين خطيبك وأنه الخطوبة ما هي إلا وعد بالزواج وخطيبك ده زي الغريب

بالضبط ملوش حق عليكي وأي كلام عاطفي بينكم 

محر-م غير أنه بيستهلك مشاعركم في الوقت الغلط

قولتيها بنفسك حياتكم مليانة جفاء طب مفكرتيش

ده من إيه، من أنك خلصتي مشاعرك بدري ف لما جه

وقتها ملقتوش حاجة تدوها لبعض والكلام يطول

آخر حاجة بقا وهي تهربك من المواجهة أو حل المشكلة

اللي أنتِ فيها، أكبر مشكلة ليكِ كانت تتمثل في أخته

و تسلطها وكرهها ليكِ وأعتقد ده كان واضح من البداية 

وأنه مستحيل تعيشوا بعد الجواز من غير بعض